იპოთეკური სესხების აქცია ტერაბანკისგან

ტერაბანკი მომხმარებლებისთვის იპოთეკური სესხების ახალ აქციასა და განსაკუთრებული პირობების შეთავაზებას იწყებს. პირველი ნოემბრიდან იმ პირებისთვის, რომლებიც საბანკო პროდუქტით აქციის ფარგლებში ისარგებლებენ, საპროცენტო განაკვეთი ლარში 11%-დან, ეფექტური კი 12.7%-დან იწყება. ამას გარდა, მათზე 3-თვიანი სრული საშეღავათო პერიოდიც გავრცელდება, რაც იმას ნიშნავს, რომ ამ დროის განმავლობაში მომხმარებლები არც ძირითად თანხას გადაიხდიან და არც – პროცენტს.

იპოთეკური სესხების აქციაში ჩართვა შეუძლიათ ადამიანებს, რომლებსაც უძრავი ქონების შეძენა, რემონტი ან მშენებლობა სურთ და თანხაც ამ მიზნით ესაჭიროებათ. როგორც ტერაბანკში აცხადებენ, ახალი ინიციატივა იპოთეკური სესხის შეღავათიანი პირობებით აღების ოპტიმალური და ხელსაყრელი შესაძლებლობაა. „ამგვარ აქციას მომხმარებლებს  სხვადასხვა პერიოდულობით, სისტემატურად ვთავაზობთ. ვფიქრობთ, ამჯერადაც მას დიდი დაინტერესება მოჰყვება“, – აცხადებენ ტერაბანკში.

იპოთეკური სესხები მხოლოდ ლარში გაიცემა. აქცია მიმდინარე წლის ბოლომდე გაგრძელდება.

დაწვრილებითი ინფორმაციისთვის ან პროდუქტით სარგებლობისთვის ეწვიეთ ტერაბანკის თელავის ფილიალს მისამართზე: ბაგრატიონის N1  ან დარეკეთ   ნომერზე: 2 55 00 00

R