კახეთში მიწისძვრა მოხდა

დღეს, 10:08 საათზე, კახეთის რეგიონში მიწისძვრა მოხდა.

დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრის ინფორმაციით, ეპიცენტრი ქალაქ ყვარლიდან აღმოსავლეთით 9 კმ-ში დაფიქსირდა.

მათივე ინფორმაციით, მიწისქვეშა ბიძგების სიმძლავრემ 4,2 მაგნიტუდა შეადგინა.

ბიძგები იგრძნობოდა ყვარლის მუნიციპალიტეტის სოფლებშიც. მიწისძვრას ნგრევა არ გაუწვევია.