სოფელ ახაშნის ტყეში გაჩენილი ხანძარი ლოკალიზებულია – ფოტორეპორტაჟი

გურჯაანის მუნიციპალიტეტის სოფელ ახაშნის ახლოს ტყესთან გაჩენილი ხანძარი ლოკალიზებულია.

ცეცხლის ლოკალიზებაზე საგანგებო სიტუაციების მართვის სამსახურის მეხანძრე-მაშველებთან ერთად ადგილობრივებიც მონაწილეობდნენ.

,,ცეცხლი წმინდა გიორგის სახელობის ეკლესიამდე არსებულ ტერიტორიაზე იყო გაჩენილი. ძირითადად ბალახს და ხეებს ეკიდა”,– აღნიშნეს KNEWS.GE-სთან საუბრისას ადგილობრივებმა.

როგორც KNEWS.GE-ს საგანგებო სიტუაციების მართვის სამსახურში განუცხადეს, ამ დროისთვის ხანძრის ყველა კერა ჩამქრალია, თუმცა 20 მეხანძრე-მაშველი ადგილზე ისევ რჩება და მიმდინარეობს ცეცხლის ლიკვიდაციის სამუშაოები.