თელავის ქორეოგრაფიული ანსამბლი აშშ-ში დაგეგმილ მსოფლიო ჩემპიონატში მონაწილეობას ვეღარ მიიღებს

სახელმწიფო უწყებების საქმეში ჩართვას ითხოვენ, ანსამბლის წევრების მშობლებიც. მშობლის, ლეილა გიორგელაშვილის ინფორმაციით, საელჩოდან მიღებული უარის გამო, მისი შვილი ანსამბლის დატოვებას აპირებს.

,,აღარ ვლაპარაკობ თანხებზე, რაც საჭირო დოკუმენტების მომზადებაში დავხარჯეთ. ბავშვებმა იმდენი იშრომეს და ყველაფერი წყალში ჩაეყარათ”,- განაცხადა გიორგელაშვილმა.

მომხდარი ფაქტის შესახებ განცხადება ანსამბლის დამფუძნებელმა უკვე გაგზავნა საქართველოს საგარეო საქმეთა სამინისტროში. დღეს ანსამბლი განათლების, მეცნიერებისა და კულტურის მინისტრსაც მიმართავს.

ქორეოფრაფიული ანსამბლების მსოფლიო ჩემპიონატი ” მსოფლიოს ვარსკვლავები” 24 ივლისს, კალიფორნიაში ტარდება და მასში მსოფლიოს 70 ქვეყანა მონაწილეობს. ჩემპიონატის საგზური ” მუხამბაზმა”, 7 დეკემბერს, თბილისში გამართულ გამართულ შესარჩევ ტურში მოიპოვა. ამერიკის შეერთებულ შტატებში გასამგზავრებლად, ანსამბლის 15 კაციანი შემადგენლობას, სამგზავრო ბილეთები 22 ივლისისათვის ჰქონდა დაჯავშნილი.