თელავში გარბენი “მეტი ღია სივრცე ქალაქში” გაიმართება

13 ოქტომბერს 13:00 საათზე თელავში გარბენი “მეტი ღია სივრცე ქალაქში” გაიმართება. 

თემატური გარბენი გაიმართება საქართველოს კორპორატიული სპორტის ფედერაციის, საქართველოს ჯანმრთელობის ხელშეწყობისა და განათლების ფონდის, ასევე დაავადებათა კონტროლისა და საზოგადოებრივი ჯანმრთელობის ეროვნული ცენტრის და თელავის მუნიციპალიტეტის მერიის მიერ ერთობლივი ჯანმრთელობის ხელშეწყობის სახელმწიფო პროგრამის ფარგლებში  “დაიბრუნე შენი ქუჩები”.

პროგრამის მიზანია ღია სივრცეებში ფიზიკური აქტივობის პოპულარიზაცია. გარბენი ქალაქ თელავის ცენტრალურ ქუჩებზე 3 კმ დისტანციაზე გაიმართება. გამარჯვებულები დაჯილდოვდებიან სპეციალური პრიზებით.

ღონისძიების ორგანიზატორების თქმით, დასწრება და მონაწილეობა უფასოა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *