კახეთში სოფლად მცხოვრები ქალების საერთაშორისო დღეს აღნიშნავენ

,,სოფლად მცხოვრები ქალების“ საერთაშორისო დღის აღსანიშნავად კაჭრეთის კოლეჯის ეზოში სხვადასხვა რეგიონში მცხოვრებმა ფერმერმა ქალებმა გამოფენა-გაყიდვაზე გამოიტანეს სოფლის პროდუქტები და ტრადიციული რეწვის ნამუშევრები.

ღონისძიების მეორე ნაწილი დაეთმობა კონფერენციას „ფერმერი ქალები სოფლის მდგრადი განვითარებისთვის“. სტუმრებს საშუალება აქვთ, დააგემოვნონ და შეიძინონ გამოფენაზე წარმოდგენილი პროდუქტები”, – აცხადებენ კოლეჯის წარმომადგენლები.

ღონისძიების ორგანიზატორები არიან: „ფერმერ ქალთა ასოციაცია“ და კაჭრეთის საზოგადოებრივი კოლეჯი „აისი“.  ღონისძიებაზე მოწვეულები არიან საერთაშორისო და ადგილობრივი ორგანიზაციების, ასევე, ადგილობრივი თვითმმართველობისა და მედიის წარმომადგენლები.