პოლიტიკური თანამდებობის პირებისა და საჯარო მოხელეებისთვის ხელფასები იზრდება

2026 წლის 1 იანვრიდან, ძალაში შევიდა ბიუჯეტის პროექტი, რომელიც პოლიტიკური თანამდებობის პირებისა და საჯარო მოხელეებისთვის ხელფასების ზრდას ითვალისწინებს.

დოკუმენტის მიხედვით, საჯარო მოხელეების, მათ შორის, პირველადი ჯანდაცვის პერსონალის, პოლიციელებისა და ჯარისკაცების ხელფასები 10%-ით გაიზარდა.

ამასთან, სახელმწიფო-პოლიტიკური თანამდებობის პირების თანამდებობრივი სარგო გაიზარდა მინისტრებისთვის, მათი მოადგილეებისთვის, პარლამენტის თავმჯდომარისა და მოადგილეებისთვის, კომიტეტების თავმჯდომარეებისთვის და პარლამენტის წევრებისთვის.

შეგახსენებთ, რომ პოლიტიკური თანამდებობის პირებისთვის თანამდებობრივი სარგო კოეფიციენტების მიხედვით განისაზღვრება. ყველაზე მაღალი – 10 კოეფიციენტით შეფასებულია პრეზიდენტის, პრემიერისა და პარლამენტის თავმჯდომარის სარგო, ყველაზე დაბალი კოეფიციენტით კი (8), პარლამენტის წევრების ანაზღაურება. საგულისხმოა, რომ კოეფიციენტით ხელფასების გამოთვლა საბაზო თანამდებობრივი სარგოს მიხედვით ხდება, რომელიც კონკრეტული წლის ბიუჯეტით განისაზღვრება. ასე მაგალითად, 2026 წლის სახელმწიფო ბიუჯეტის მიხედვით, საბაზო თანამდებობრივი სარგო 1600 ლარი იქნება.