რთველი 2025 რეკორდულად ძვირი დაჯდა
2025 წლის რთველის დაფინანსება მთავრობას რეკორდულად ძვირი 220 მილიონი ლარი დაუჯდა, ამას ითვალისწებს მიმდინარე წლის ბიუჯეტის კორექტირების პროექტი, რომლის თანახმადაც ამ მიმართულებით პირვანდელ გეგმასთან შედარებით 160 მილიონი ლარით მეტის, 220 მილიონი ლარის დახარჯვა იგეგმება.
რაც შეეხება მოცულობას, ღვინის ეროვნული სააგენტოს ცნობით, ოქტომბრის ბოლოსთვის საქართველოს მევენახეობის რეგიონებში რეკორდული რაოდენობის, 330 ათასი ტონა ყურძენი გადამუშავდა. ქვეყნის მასშტაბით მოსავალი 21 200-მა მევენახე ფერმერმა დააბინავა. გადამუშავებული ყურძნიდან დაახლოებით 200 ათასი ტონა ყურძენი კერძო სექტორმა, დანარჩენი მოსავლის ნაწილი კი სახელმწიფომ შეიძინა.
აღნიშნული სუბსიდიით სახელმწიფო კომპანია მევენახეებისგან 1 კგ საფერავის ჯიშის ყურძენს 1.5 ლარად, რქაწითელსა და სხვა ჯიშის ყურძენს კი 1.2 ლარად იბარებდა.