2024 წელს იყო 21,653 ქორწინება და 13,520 განქორწინება
„2024 წელს იყო 21,653 ქორწინება და 13,520 განქორწინება“, – ამის შესახებ სოციალურ ქსელში ბიზნესმენი გიორგი ჩუგოშვილი წერს.
მისი განმარტებით, ფაქტობრივად, ყოველი 10-დან 6 ქორწინება განქორწინებით სრულდება.
„დემოგრაფიაში ხდება კატასტროფა. 2024 წელს დაიბადა 39,483 ბავშვი, 1.8%-ით ნაკლები ვიდრე 2023-ში. 1994 წლიდან მოყოლებული ყველაზე დაბალი მაჩვენებელია! ბოლო 31 წელიწადში ყველაზე დაბალი, მანამდე სტატისტიკა არ დევს.
გარდაიცვალა 43,971 ადამიანი, 2.8%-ით მეტი ვიდრე 2023-ში. 2024 წელს 4,488-ით ნაკლები დავრჩით მხოლოდ ამ ორი პარამეტრით. 2024 წელს იყო 21,653 ქორწინება და 13,520 განქორწინება, ფაქტობრივად, 10-დან 6 ქორწინება განქორწინებით სრულდება. რამდენი ადამიანი წავიდა ქვეყნიდან, რამდენი უკვე ემზადება და რამდენი ფიქრობს რომ წავიდეს.
ეკონომიკური ზრდაც ძირითადად იმ სექტორებზე მოდის, სადაც რუსეთ-უკრაინის ომის შედეგად ჩამოსული ადამიანები მონაწილეობენ (საინფორმაციო ტექნოლოგიები, უძრავი ქონება)“, – წერს გიორგი ჩუგოშვილი სოციალურ ქსელში.