ხანძარი თელავში- ცეცხლი მრავალბინიან საცხოვრებელ კორპუსში გაჩნდა
თელავში, ალაზნის გამზირზე. მრავალბინიან საცხოვრებელ კორპუსში სახლი დაიწვა.
შემთხვევა ცოტა ხნის წინ მოხდა. ადგილობრივების ინფორმაციით, მესამე სართულზე მდებარე ბინაში ცეცხლი მოულოდნელად გაჩნდა.
შემთხვევის ადგილზე, სახანძრო- სამაშველო სამსახურის ორი მანქანა მუშაობდა. სახლში, სადაც ხანძარი გაჩნდა, საყოფაცხოვრებო დანიშნულების ნივთების ნაწილია დამწვარი, ბინის მფლობელებს დაზიანება არ მიუღიათ.
ამ დროისათვის, ხანძრის გაჩენის მიზეზი, უცნობია.