სამშენებლო სექტორში დასაქმებული მეწარმეებისთვის გადასახადები ოცმაგდება
ცვლილებები შედის სამშენებლო სექტორში დასაქმებული მეწარმეებისთვის. მათთვის გადასახადები ოცმაგდება. ისინი, როგორც მცირე მეწარმის სტატუსის მქონე პირები შეღავათით სარგებლობდნენ, თუმცა ეს შეღავათი უქმდება და უკვე 1-ლი თებერვლიდან 1%-ის ნაცვლად 20%-ით დაიბეგრებიან.
სამშენებლო სექტორში ამბობენ, რომ გადაწყვეტილება საბოლოო ჯამში უძრავი ქონების თვითღირებულებას გააძვირებს და როდესაც ბაზარზე მოთხოვნა მცირდება და უძრავი ქონების თვითღირებულება იზრდება, მსგავსი გადაწყვეტილებები სექტორისთვის რისკის შემცველია.