49 ეკონომისტი ერთობლივ განცხადებას ავრცელებს

მას შემდეგ, რაც ირაკლი კობახიძემ ოფიციალურად განაცხადა ევროკავშირში ინტეგრაციის შეჩერებაზე, ქვეყნის ეკონომიკურ სტაბილურობას მნიშვნელოვანი საფრთხე შეექმნა – ბიძინა ივანიშვილის ხელისუფლების ბოლო პერიოდის გადაწყვეტილებებს ქვეყანა დასავლეთისგან იზოლაციისკენ მიჰყავს, – ამის შესახებ ეკონომისტების ერთობლივ მიმართვაშია აღნიშნული.

ეკონომისტები „ქართულ ოცნებას“ მოუწოდებენ, დაუყოვნებლივ გაათავისუფლოს უკანონოდ დაკავებული აქციის მონაწილეები, გამოავლინოს და დასაჯოს ძალადობის განმახორციელებელი პოლიციელები და დააბრუნოს ქვეყანა დემოკრატიული განვითარების გზაზე.

„მას შემდეგ, რაც ირაკლი კობახიძემ ოფიციალურად განაცხადა ევროკავშირში ინტეგრაციის შეჩერებაზე, ქვეყნის ეკონომიკურ სტაბილურობას მნიშვნელოვანი საფრთხე შეექმნა.

აქედან გამომდინარე, ვხედავთ რა ბოლო დროის გადაწყვეტილებებიდან გამომდინარე გარდაუვალ, მნიშვნელოვან ეკონომიკურ ზარალს, მოვუწოდებთ ბიძინა ივანიშვილის ხელისუფლებას, დაუყოვნებლივ გაათავისუფლოს უკანონოდ დაკავებული აქციის მონაწილეები, გამოავლინოს და დასაჯოს ძალადობის განმახორციელებელი პოლიციელები და დააბრუნოს ქვეყანა დემოკრატიული განვითარების გზაზე, სადაც მოქალაქეებს აზრის გამოხატვის და არჩევანის თავისუფლება ექნებათ,“ – აღნიშნულია განცხადებაში