ახალი ამბებივიდეორეპორტაჟი

ავტომობილების რეცხვა გაძვირდა

საქსტატის მონაცემების მიხედვით, გასული წლის ამავე თვესთან შედარებით, ავტომობილებთან დაკავშირებული მომსახურებების დიდი ნაწილი გაძვირდა, ნაწილი კი გაიაფდა.

ყველაზე მეტად გაძვირებულია ავტომობილების რეცხვა. საქსტატის მონაცემების თანახმად, ფასები 16.8%-ით არის გაზრდილი.

ამავდროულად, 6.7%-ით არის გაზრდილი ზეთისა და ფილტრების შეცვლის ფასი. ავტომობილების შეკეთების მომსახურება კი 3.8%-ით გაძვირდა. აკუმულატორის ფასები გაიზარდა 5.4%-ით, საბურავების ღირებულება კი 5.3%-ითაა შემცირებული. ამასთანავე, წლიურად გაიაფდა სათადარიგო ნაწილები, ამ შემთხვევაში ფასის ცვლილებამ 2.6% შეადგინა.

საქსტატის მონაცემების მიხედვით, გაზრდილია როგორც ახალი, ასევე მეორეული ავტომობილების ფასებიც. ახლის შემთხვევაში ღირებულება 1.5%-ით გაიზარდა, მეორეულის კი, 2.7%-ით.