წიგნის 19 გამომცემლობა „საქართველოს წიგნის გამომცემელთა და გამავრცელებელთა ასოციაციას“ ტოვებს

წიგნის 19 გამომცემლობა „საქართველოს წიგნის გამომცემელთა და გამავრცელებელთა ასოციაციას“ ტოვებს და მიზეზად ასოციაციის მიერ უცხოური ძალის ინტერესების გამტარებელ ორგანიზაციად რეგისტრაციას ასახელებს.

ამის შესახებ გამომცემლებმა ერთობლივი განცხადება გაავრცელეს, სადაც ნათქვამია, რომ ასოციაციამ გადაწყვეტილება წევრებთან შეუთანხმებლად მიიღო. როგორც ისინი განმარტავენ, „სიტყვის თავისუფლების შემზღუდავი კანონები მათთვის მიუღებელია“.

განცხადებას ხელს აწერენ: „პალიტრა L“; „ბიბლუსი“; „ინტელექტი“; „არტანუჯი“; „ინდიგო“; „ზიარი“; „ზებრა“; „მედუზა“; „პეგასი“; „ბუქმანია“; „ბუქმარკი – წიგნები ვაკეში“; „საბა“; „ალონი“; წიგნის მაღაზია „შაქრო ბაბუა“; „ლაზარე“; „რასთი კომიქს“; „ელვა.ჯი“; „ელვა იმპორტი“; „კავკასია“.

„2024 წლის 29 აგვისტოს საქართველოს წიგნის გამომცემელთა და გამავრცელებელთა ასოციაციის გამგეობამ მიიღო გადაწყვეტილება ასოციაციის უცხოური ძალის ინტერესების გამტარებელ ორგანიზაციად რეგისტრირების შესახებ.

ჩვენ არც გაყალბებულ არჩევნებს ვაღიარებთ და ერთად გავაგრძელებთ ჩვენი ქვეყნის ევროპული მომავლისთვის ბრძოლას. საქართველოს გამომცემლებისათვის ყოველთვის მთავარი ღირებულება იქნება თავისუფალი სიტყვა და მომავალშიც მხარდამხარ დავდგებით ქვეყანაში გამოხატვის თავისუფლების დასაცავად და წიგნიერების გასაზრდელად”, – ნათქვამია განცხადებაში.