პარალიმპიელ პრიზიორ სპორტსმენებს სახელმწიფოს უმაღლეს ჯილდოეზე წარადგენენ

პარალიმპიელი ჩემპიონები, პრიზიორები და ასევე მწვრთნელები იქნებიან წარდგენილნი შესაბამის უმაღლეს სახელმწიფო ჯილდოებზე, – ამის შესახებ პრემიერ-მინისტრმა ჟურნალისტის კითხვის პასუხად განაცხადა.

მთავრობის მეთაურის თქმით, პარალიმპიელებთან მიმართებით მიდგომა არის ზუსტად ისეთივე, როგორიც იყო ოლიმპიელების შემთხვევაში.

„პარალიმპიელებთან მიმართებით მიდგომა არის ზუსტად ისეთივე, როგორც ოლიმპიელების შემთხვევაში და ისინი წარდგენილნი იქნებიან შესაბამის სახელმწიფო ჯილდოებზე ზუსტად იმავე პრინციპით, როგორც წარვადგინეთ ოლიმპიელები. ჩემპიონები, პრიზიორები და ასევე მწვრთნელები იქნებიან წარდგენილნი შესაბამის სახელმწიფო ჯილდოებზე,“- განაცხადა პრემიერმა.

შეგახსენებთ, რომ თელაველი სპორტსმენი ლადო ჭინჭარაული, პარიზის პარალიმპიური თამაშების ვლადიმერ ჭინჭარაულმა პნევმატური შაშხანიდან 50 მეტრზე სროლაში ვერცხლის მედლის მოპოვება შეძლო.

ლადო ჭინჭარაულმა პარიზის პარალიმპიურ თამაშებზე R9 კატეგორიაში პნევმატური შაშხანის 50 მეტრზე სროლაში იასპარეზა და 622.4 ქულა დააგროვა. მან 25 მონაწილეს შორის მე-6 ადგილი დაიკავა და ფინალში ასპარეზობის უფლება მოიპოვა.