6 თვეში, საქართველოში, ოჯახში 3 457 ქალზე და 659 კაცზე იძალადეს – საქსტატი

სტატისტის ეროვნულმა სამსახურმა, 2024 წლის I-II კვარტლის სამართლებრივი სფეროს მაჩვენებლები, დანაშაულების სტატისტიკა გამოაქვეყნა, სადაც წერია, რომ ამ პერიოდში საქართველოში 3 457 ქალზე და 659 კაცზე იძალადეს.

ყველაზე მეტი ძალადობის მსხვერპლი დედაქალაქში ფიქსირდება, მას მოყვება ქვემო ქართლი, იმერეთი და კახეთი.

კერძოდ, თბილისში, სულ 1926 ძალადობის მსხვერპლი ადამიანი დაფიქსირდა. მცხეთა-მთიანეთში – 55; აჭარაში 391; გურიაში 44; კახეთში 352; იმერეთში 363; რაჭა ლეჩხუმი და ქვემო სვანეთში 11;სამეგრელო-ზემო სვანეთში 192; სამცხე-ჯავახეთში 89; შიდა ქართლში 229 და ქვემო ქართლში 463.