კულტურა

გურჯაანის მუნიციპალიტეტის სოფელ ვაზისუბანში, სულხან ჭავჭავაძისეული მამული და რომანოვების ისტორიული სასახლე ფარულად გაიყიდა. ინფორმაციას ისტორიული მნიშვნელობის შენობის გაყიდვაზე მუნიპალიტეტის ადგილობრივი თვითმმართველობის ორგანოში არ ფლობენ. გურჯაანის მუნიციპალიტეტის საკრებულოს თავმჯდომარის თქმით კი, ტერიტორია ისე გასხვისდა, მათთვის აზრი არავის უკითხავს.
შენობა საუკუნეზე მეტია სოფელ ვაზისუბანში მდებარეობს. მოსახლეობამ არ იცოდა, რომ ორ საუკუნეზე მეტი ხნის შენობა გასხვისებულია და მას კერძო მესაკუთრე ჰყავს. აღნიშნულ ტერიტორიას შპს „ვაზისუბნის მამული“ ფლობს, სადაც წილის თანაბარი მფლობელები ბიზნესმენები მამუკა ხაზარაძე და ბადრი ჯაფარიძე არიან. ადგილობრივები შიშობენ, რომ შენობა მალე უცხოელზე გაიყიდება, რომელიც შემდეგ ისტორიულ შენობას გაანადგურებს.

სიღნაღში, ისტორიულ-ეთნოგრაფიული მუზეუმში, მხატვარ-რესტავრატორის, ზინაიდა ქუფარაშვილის პერსონალური გამოფენა გაიხსნა. გამოფენა მისი ხსოვნის საპატივსაცემოდ გაიმართა.

თელავში, ქალაქის მერიის მხარდაჭერით, ცეკვის ანსაბლმა სუხიშვილებმა საიუბილეო კონცერტი გამართეს. მათ, თელავის ვაჟა-ფშაველას სახელობის თეატრის სცენაზე წარმოადგინეს საიუბილეო შერეული პროგრამა, რომელშიც გაერთიანდა ანსამბლის არსებობის მანძილზე დადგმული საუკეთესო ნომრები, როგორც კლასიკური ისე თანამედროვე ინტერპრეტაციით. 

ახალგაზრდა თელაველი მწერლის, ტორესა მოსის შემოქმედებითი საღამო, შეხვედრების ციკლ “ფიქრის საბა-ბის” ფარგლებში გაიმართა. შეხვედრაზე, მწერალმა თავის პირველ წიგნზე “სიბრძნე სიცრუისა” ისაუბრა.

თელავის სახელმწიფო უნივერსიტეტის რექტორობის მსურველ კანდიდატთა რეგისტრაცია 5 მარტიდან დაიწყება და 12 მარტს დასრულდება. 

განათლების ხარისხის განვითარების ეროვნულმა ცენტრმა თელავის სახელმწიფო უნივერსიტეტის სადოქტორო პროგრამებს „ტექსტოლოგია და გარემოთმცოდნეობასა“ და „კომპიუტერულ მეცნიერებას“ აკრედიტაცია მიანიჭა.

თელავის სახელმწიფო თეატრში, განათლების გამოფენა სახელწოდებით ,,მომავალი შენია’’ გაიმართა, რომელიც ბიბერახი-თელავის პარტნიორობის კომიტეტის ინიციატივით ჩატარდა. გამოფენაში კახეთის 4 მუნიციპალიტეტის: თელავის, გურჯაანის, ყვარლისა და ახმეტის განათლებისა და დასაქმების სფეროში მომუშავე რამდენიმე ათეულმა ბიზნეს კომპანიისა და საგანმანათლებლო დაწესებულებების წარმოამდგენლებმა მიიღეს მონაწილეობა.

,,თელავი ელენე ახვლედიანის მშობლიური ქალაქია და გვინდა, ეს თემა ქალაქის ვიზუალის ერთ-ერთ წამყვან თემად ვაქციოთ. ეს არის იდეა. ძალიან დიდი შემოქმედებითი მუხტი და სერიოზული შრომა გვჭირდება.“, – აღნიშნა ია ანთაძემ ახალგაზრდებისადმი მიმართვაში. ­