ხაშმში ავარიას ახალგაზრდა მამაკაცის სიცოცხლე ემსხვერპლა
როგორც knews.ge-ს შსს-ში განუცხადეს, ავტომანქანა ქვეითად მოსიარულეს დაეჯახა. მამაკაცი ადგილზე გარდაიცვალა.
შინაგან საქმეთა სამინისტროს ინფორმაციით, მომხდარზე გამოძიება დაიწყო სისხლის სამართლის კოდექსის 276-ე მუხლის მე-5 ნაწილით, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რომელმაც ადამიანის სიცოცხლის მოსპობა გამოიწვია. საქმეს საგარეჯოს საპატრულო პოლიცია იძიებს.